ՊԱՅՄԱՆՆԵՐ ԵՎ ՊԱՅՄԱՆԱԿԱՆՆԵՐ

Shop For Me www.shopforme.am – Առցանց գնումների և պատվերների ձևակերպման ծառայություն

Վերջին թարմացում՝ 1 դեկտեմբերի, 2025 թ.

Ներածություն

Բարի գալուստ Shop For Me www.shopforme.am կայք («SFM», «մենք», «մեզ», «մեր»)։Մենք տրամադրում ենք առցանց ծառայություն, որի միջոցով օգտատերերը («Դուք», «Ձեր», «օգտատեր», «հաճախորդ») կարող են մեզ հանձնարարել իրենց անունից պատվիրել ապրանքներ երրորդ կողմ հանդիսացող վաճառողներից («Վաճառողներ», «Մանրածախ վաճառողներ», «Խանութներ», «Մատակարարներ») և կազմակերպել պատվերի առաքումը երրորդ կողմ հանդիսացող առաքիչի միջոցով («Փոխադրող», «Գործընկեր փոխադրող», «Առաքիչ», «Առաքման ընկերություն»)։

Օգտվելով մեր կայքից և ծառայություններից (ընդհանուր՝ «Ծառայություն»), Դուք համաձայնում եք սույն Պայմաններին և Պայմանականներին («Պայմաններ»)։ Եթե Դուք համաձայն չեք սույն Պայմաններին, ապա իրավունք չունեք օգտվելու Ծառայությունից։

Ծառայության նկարագրություն

Shop For Me-ը հանդիսանում է Ձեր առցանց գնումների գործընկերը՝ ապահովելով պատվերների ձևակերպումը և առաքման համակարգումը դեպի Հայաստանի Հանրապետություն՝ Գործընկեր փոխադրողի միջոցով։ Օգտվելով Ծառայությունից՝ Դուք մեզ լիազորում եք Ձեր անունից և Ձեր անձնական տվյալների օգտագործմամբ գնել և առաքել ապրանքներ։

Մենք չենք արտադրում, պահեստավորում կամ հանդիսանում ապրանքների սեփականատեր։ Բոլոր ապրանքները տրամադրվում են երրորդ կողմ հանդիսացող Վաճառողների կողմից։

Օգտվելու իրավասություն

Ծառայությունից օգտվելու համար Դուք պետք է․

• Լինեք առնվազն 18 տարեկան
• Ունենաք պարտադիր իրավական պայմանագիր կնքելու իրավունակություն
• Տրամադրեք ճշգրիտ անձնական, կոնտակտային, վճարային և առաքման տվյալներ

Հաճախորդի պարտականությունները

Դուք համաձայնում եք, որ․

• Ձեր տրամադրած բոլոր տվյալները ճշգրիտ և արդիական են
• Մենք լիազորված ենք օգտագործել Ձեր անունը և անձնական տվյալները՝ պատվերը ձևակերպելու և այն Հայաստանի Հանրապետություն առաքելու համար
• Դուք ունեք բավարար միջոցներ՝ պատվերի ամբողջական արժեքը վճարելու համար, որը ներառում է ապրանքի արժեքը (ներառյալ ԱԱՀ-ն և Կալիֆորնիա նահանգի գործող վաճառքի հարկը), SFM ծառայության վճարը և առաքման վճարը (առաքման վճարը սահմանվում է մեր առաքման գործընկերոջ կողմից և հաշվարկվում է այն պահին, երբ պատվերը հասնում է նրանց պահեստ)
• Պատվեր ներկայացնելիս Դուք տրամադրում եք ամբողջական տվյալներ՝ ներառյալ չափը, ոճը, գույնը, համապատասխանությունը, գինը և Վաճառողի առաքման արժեքը
• Դուք կպահպանեք Ձեր հաշվի դրական մնացորդը՝ ժամանակին վճարելով պարտքերը
• Դուք չեք պատվիրի Արգելված ապրանքներ
• Դուք ծանոթ եք և համաձայն եք Վաճառողի Պայմաններին և Պայմանականներին
• Դուք ծանոթ եք Վաճառողի վերադարձի քաղաքականությանը և վերադարձի ժամկետներին
• Դուք իրավունք չունեք մեզանից պահանջել Վաճառողի հետևման (tracking) տվյալները
• Դուք չեք փորձի ինքնուրույն կապ հաստատել Վաճառողի հետ որևէ խնդրի լուծման նպատակով

Պատվերի ձևակերպման գործընթաց

Պատվերի ներկայացումը արագ և պարզ է․

1. Լրացրեք պատվերը մեր կայքում՝ նշելով ապրանքի մանրամասները
2. Հաստատեք, որ Ձեր SFM դրամապանակում առկա են բավարար միջոցներ՝ ապրանքի արժեքը (ներառյալ ԱԱՀ-ն) և SFM ծառայության վճարը ծածկելու համար:Անբավարար միջոցների դեպքում՝ համալրեք դրամապանակը կայքում նշված վճարային տարբերակներով
3. Ստուգեք պատվերը և հաստատեք այն՝ սեղմելով «Submit Order»

Պատվերի ստացումից հետո մենք այն ձևակերպում ենք Ձեր անունից, և Ձեր հաշվում պատվերի կարգավիճակը թարմացվում է:Վաճառողը ապրանքը ուղարկում է մեր ԱՄՆ պահեստ, որտեղ այն մշակվում և փոխանցվում է առաքման գործընկերոջը :

Ապրանքի առկայությունը, գինը և ԱՄՆ պահեստ հասնելու ժամկետները վերահսկվում են Վաճառողի կողմից։

Հայաստանի Հանրապետություն 3–9 աշխատանքային օրվա փոխադրումը սկսվում է այն աշխատանքային օրվանից հետո, երբ պատվերը մուտք է գործում մեր ԱՄՆ պահեստ։

Գներ և վճարումներ

Ձեր հաշիվը պետք է լինի կարգավորված՝ Ծառայությունից օգտվելը շարունակելու համար։ Եթե Ձեր դրամապանակը ունի բացասական մնացորդ, մենք իրավունք ունենք սառեցնել պատվերի առաքումը և պատասխանատվություն չենք կրում ուշացման հետևանքով առաջացած վնասների համար։ Եթե բացասական մնացորդը պահպանվում է ավելի քան 30 անընդմեջ օր, Ձեր հաշիվը կարող է փակվել։

• Դուք համաձայնում եք վճարել ապրանքի արժեքը (ներառյալ ԱԱՀ-ն), առաքման ծախսերը, կիրառվող ծառայության վճարները
• Բոլոր վճարումները պետք է կատարվեն կայքում նշված ընդունելի վճարային եղանակներով
• Պատվերի ձևակերպման համար պահանջվում է ապրանքի ամբողջական արժեքի (ներառյալ ԱԱՀ-ն) և ծառայության վճարի նախնական վճարում
• Ապրանքը ստանալու համար պահանջվում է առաքման արժեքի ամբողջական վճարում

Ծանոթագրություն․ ԱԱՀ-ն (ավելացված արժեքի հարկ) Կալիֆորնիա նահանգում կիրառվող պետական և դաշնային պարտադիր վաճառքի հարկ է և ավտոմատ հաշվարկվում է գործող դրույքաչափով։

Ծառայության վճարներ

Ծառայության վճարը ներառում է Shop For Me-ի աշխատակիցների ծախսերը՝ կապված պատվերի ձևակերպման, առաքման կազմակերպման և հաճախորդների սպասարկման հետ։

Մենք մեզ իրավունք ենք վերապահում ցանկացած պահի փոփոխել ծառայության վճարները՝ այդ մասին նախապես տեղեկացնելով։

Առաքում և փոխադրում

Առաքման ժամկետները կախված են Վաճառողից և մեր առաքման գործընկերոջից․

• Պատվերը փոխանցվում է առաքման գործընկերոջը ոչ ուշ, քան 1 աշխատանքային օրվա ընթացքում՝ ԱՄՆ պահեստ հասնելուց հետո
• Վաճառողի, առաքիչների, մաքսային կամ այլ արտաքին գործոններով պայմանավորված ուշացումները գտնվում են մեր վերահսկողությունից դուրս
• Վաճառողից մինչև մեր ԱՄՆ պահեստ և մեր պահեստից մինչև առաքման գործընկեր առաջացած վնասների կամ կորուստների համար պատասխանատու ենք մենք
• Առաքման գործընկերից մինչև Հայաստանի Հանրապետություն առաջացած վնասների կամ կորուստների համար պատասխանատու է առաքման գործընկերը: Նման դեպքերում մենք կներկայացնենք պահանջ և կհետևենք գործընթացին մինչև լուծումը
• Պատվերի կարգավիճակը կթարմացվի ԱՄՆ-ից դուրս գալուց հետո և կտրամադրվի սպասվող ժամանման ամսաթիվ։
• Հայաստանի Հանրապետություն ժամանելուն պես Դուք կտեղեկացվեք։
• Երևանում առաքումն իրականացվում է անվճար։ Երևանից դուրս առաքման արժեքը կազմում է 4,000 ՀՀ դրամ։

Մանրամասների համար խնդրում ենք ծանոթանալ Առաքման տեղեկատվությանը։

Չեղարկումներ

Մինչ պատվերի ձևակերպումը

Եթե չեղարկման դիմումը ներկայացվում է մինչև Վաճառողին պատվեր ձևակերպելը, տրամադրվում է ամբողջական վերադարձ՝ ներառյալ SFM ծառայության վճարը։

Պատվերի ձևակերպումից հետո

Չեղարկումը կարող է անհնար լինել և ենթակա է Վաճառողի չեղարկման քաղաքականությանը։ Համապատասխան պատվերների համար կարող եք ներկայացնել վերադարձի հարցում՝ համաձայն մեր Վերադարձի քաղաքականության։

Ծառայության վճարը չի վերադարձվում, և Դուք պատասխանատու եք հնարավոր վերամշակման (restocking) վճարների համար։

Վերադարձներ, փոխհատուցումներ և վեճեր

Վերադարձներն ու փոխհատուցումները կախված են բացառապես Վաճառողի քաղաքականությունից։ Մենք պարտավորվում ենք կապ հաստատել Վաճառողի հետ Ձեր վերադարձի հարցով, սակայն պատասխանատվություն չենք կրում Վաճառողի կողմից ընդունված որոշումների համար։

Վնասված, թերի կամ սխալ պատվերի դեպքում պարտադիր է մեզ տեղեկացնել 2 աշխատանքային օրվա ընթացքում։ Ամբողջական մանրամասների համար խնդրում ենք ծանոթանալ մեր Վերադարձի քաղաքականությանը:

Վնասված կամ թերի ապրանքներ

Մենք կներկայացնենք պահանջ համապատասխան կողմին (Վաճառող կամ առաքման գործընկեր)՝ փոխարինում կամ փոխհատուցում ստանալու նպատակով։ Որոշ Վաճառողներ տրամադրում են միայն փոխարինում, և մենք ազդեցություն չունենք այդ որոշման վրա։

Սխալ ապրանքներ

Սխալ ապրանքի դեպքում գործում է մեր 100% գումարի վերադարձի երաշխիքը, որը ներառում է ապրանքի արժեքը, ծառայության վճարը և առաքման վճարը։ Մենք կկազմակերպենք ապրանքի վերցումը 3 աշխատանքային օրվա ընթացքում։

Փոխհատուցումը կկատարվի միայն ապրանքը ստանալուց հետո:

Ապրանքի տեղեկատվություն և պատասխանատվություն

Մենք չենք երաշխավորում․

• Ապրանքի նկարագրության ճշգրտությունը (նյութ, գույն, չափ, համապատասխանություն, ոճ, որակ, տեսք, ֆունկցիոնալություն)
• Ապրանքի անվտանգությունը

Բոլոր տվյալները տրամադրվում են Վաճառողի կողմից։

Մենք պատասխանատվություն չենք կրում մեր Ծառայության միջոցով գնված ապրանքներից առաջացած վնասների համար։

Արգելված ապրանքներ

Արգելվում է պատվիրել․

• Անօրինական կամ սահմանափակված ապրանքներ
• Վտանգավոր նյութեր
• Միջազգային առաքմամբ կամ փոխադրողներով արգելված ապրանքներ

Մենք իրավունք ունենք մերժել ցանկացած պատվեր մեր հայեցողությամբ։

Մանրամասների համար խնդրում ենք ծանոթանալ Արգելված ապրանքների ցանկին։

Օգտատիրոջ հաշիվներ

Դուք պատասխանատու եք․

• Ձեր հաշվի և գաղտնաբառի գաղտնիության պահպանման համար
• Ձեր հաշվով կատարվող բոլոր գործողությունների համար

Հաշիվները ստեղծվում են երկփուլ նույնականացմամբ, և մեկ հեռախոսահամարի համար թույլատրվում է մեկ հաշիվ։

Մենք իրավունք ունենք կասեցնել կամ փակել կասկածելի կամ սույն Պայմանները խախտող հաշիվները։

Պատասխանատվության սահմանափակում

Օրենքով թույլատրելի առավելագույն չափով․

• Մենք պատասխանատվություն չենք կրում անուղղակի, պատահական կամ հետևանքային վնասների համար
• Մեր ընդհանուր պատասխանատվությունը սահմանափակվում է տվյալ պատվերի համար Ձեր վճարած ընդհանուր գումարով

100% գումարի վերադարձի երաշխիք

Shop For Me-ը երաշխավորում է ամբողջական վերադարձ սխալ պատվերի դեպքում։

Գաղտնիություն

Ծառայությունից օգտվելը կարգավորվում է նաև մեր Գաղտնիության քաղաքականությամբ։

Պայմանների փոփոխություններ

Մենք կարող ենք ցանկացած պահի թարմացնել Պայմանները։ Ծառայության շարունակական օգտագործումը համարվում է փոփոխությունների ընդունում։

Կիրառելի իրավունք

Բոլոր վեճերը ենթակա են լուծման Հայաստանի Հանրապետությունում։